مرجع عالی قدر اقای سید علی حسینی سیستانی کے دفتر کی رسمی سائٹ

سوال و جواب » خرید و فروخت

۲۱ سوال: کیا بینک کے چیک خریدے اور بیچے جا سکتے ہیں جیسے ایک لاکھ کے تاریخ والے بارہ چیک دس لاکھ میں خریدے جا سکتے ہے؟
جواب: اگر چک واقعی قرض کے مقابل میں ہو تو حرج نہیں ہے۔
۲۲ سوال: کیا مردوں کے لیے زنانہ میکپ سامان بیچنا جایز ہے؟
جواب: بذات خود اس کام میں کوئی حرج نہیں ہے، ہاں اگر حرام میں پڑنے کا خوف ہو تو جایز نہیں ہے۔
۲۳ سوال: کسی کافر ملک میں شراب بیچنے کا کیا حکم ہے؟
جواب: شراب بیچنا کسی بھی صورت میں جایز نہیں ہے۔
۲۴ سوال: ملک میں بعض لوگ ایسے سامان بیچتے ہیں جن کے بارے میں معلوم نہیں کہ وہ چوری کے ہیں یا نہیں؟ کیا ان کا خریدنا جایز ہے؟
جواب: اگر یقین نہ ہو کہ چوری کا ہے تو خرید سکتے ہیں۔
۲۵ سوال: کیا پیسے خریدنا اور اس کی قیمت بڑھنے کے لیے جمع کرکے رکھنا جایز ہے؟
جواب: کوئی حرج نہیں ہے۔
۲۶ سوال: کیا لہو و لعب کے بغیر ذاتی استعمال کے لیے پیانو خریدنا جایز ہے؟
جواب: جایز نہیں ہے۔
۲۷ سوال: موسیقی کے لیے جدید طرز کی بانسری بنانے، خرید و فروخت اور سننے کا کیا حکم ہے؟
جواب: اگر وہ موسیقی سے مخصوص آلات میں سے ہو تو اس کا بنانا، استفادہ کرنا، سیکھنا اور معاملہ کرنا حرام ہے اور اگر مشترک آلات میں سے ہو تو اس کے خرید و فروخت میں کوئی حرج نہیں ہے مگر اس سے حرام استفادہ کرنا جایز نہیں ہے۔
۲۸ سوال: کیا وزن کیٔے بغیر گھاس بیچنا صحیح ہے؟
جواب: اگر اس کی خرید و فروخت عام طور سے مقدار معین کرکے یا دیکھ کر ہوتی ہو تو معاملہ صحیح ہوگا اور جس بھی طرح مصالحت کر لیں معاملہ صحیح ہے۔
۲۹ سوال: بیچنے والے کو سامان کی مکمل قیمت نہ ملنے کی صورت میں، کیا وہ اس معاملہ کو فسخ کرنے کا حق رکھتا ہے یا نہیں؟
جواب: ہاں وہ معاملہ کو ختم کر سکتا ہے۔
۳۰ سوال: اگر کسی زمین کو دو قسطوں کے بدلے بیچ رہا ہو اور دوسری قسط ایک سال کے بعد کی ہو اور خریدنے والا وعدہ خلافی کر رہا ہو تو اس معاملہ کا کیا حکم ہوگا؟
جواب: معاملہ صحیح ہے مگر بیچنے والا اسے فسخ کرنے کا حق رکھتا ہے۔
ایک نیا سوال بھیجنے کے لیے یہاں کلک کریں
العربية فارسی اردو English Azərbaycan Türkçe Français