مرجع عالی قدر اقای سید علی حسینی سیستانی کے دفتر کی رسمی سائٹ

سوال و جواب » نماز ۔ اوقات نماز

۱ سوال: نماز مغرب و عشاء کس وقت قضا ہوتی ہیں؟
جواب: نماز مغربین کا وقت آدھی رات تک ہے اور مجبوری کی حالت میں جیسے کوئی نماز پڑھنا بھول جائے یا حائض ہو تو اذان صبح تک پڑھی جا سکتی ہے۔
۲ سوال: نماز عشاء کس وقت تک پڑھی جا سکتی ہے؟
جواب: نماز عشاء آدھی رات تک پڑھی جا سکتی ہے اور مجبوری میں اذان صبح تک بھی پڑھی جا سکتی ہے۔
۳ سوال: نماز عصر کا شرعی وقت سورج غروب ہونے تک ہے یا مغرب کی اذان تک؟
جواب: احتیاط واجب کی بناء پر نماز ظہرین میں سورج ڈوبنے تک تاخیر نہیں کرنی چاہیے، ہاں اگر سورج ڈوبنے کا شک یا احتمال ہو کے سورج عمارتوں کے پیچھے چھپا ہو تو اس صورت میں آسمان کی سرخی کے زائل ہونے تک نماز پڑنے میں تاخیر کریں ۔
۴ سوال: قطب شمال اور جنوب میں نماز کا وقت کس طرح معین کیا جا سکتا ہے؟
جواب: اگر انسان کسی ایسی جگہ ہے جہاں دن اور رات چوبیس گھنٹے سے زیادہ کے ہوتے ہیں تو احتیاط واجب کی بناء پر اسے وہاں سے نزدیک اس شہر کے وقت کے مطابق نماز پڑھنی چاہیے جس میں دن اور رات چوبیس گھنٹے کے ہوتے ہوں۔
۵ سوال: کیا سورج ڈوب جانے کے بعد افطار کیا جا سکتا ہے؟ اور نماز مغرب پڑھی جا سکتی ہے؟
جواب: احتیاط واجب کی بناء پر سورج ڈوب جانے کے بعد، آسمان پر ہونے والی سرخی کے زائل ہوجانے تک صبر کرنا چاہیے۔
۶ سوال: کیا عزاداری امام حسین علیہ السلام کی وجہ سے نماز میں تاخیر کی جا سکتی ہے؟
جواب: نماز کو اول وقت میں پڑھنا بہتر ہے اور مھم ہے کہ مراسم عزاداری کو اس طرح سے تنظیم کریں کہ اوقات نماز کے مزاحم نہ ہو۔
۷ سوال: اگر نماز مغربین آدھی رات تک نہ پڑھ سکے تو کیا حکم ہے؟
جواب: شخص مختار کیلئے آدھی رات تک وقت ہے اور اگر مضطر ہو تو نماز صبح تک پڑھ سکتا ہے۔
۸ سوال: مہربانی کرکے یہ بتائیں کہ نماز عصر اور نماز عشاء کا فضیلت کا وقت کیا ہے؟
جواب: نماز عصر کا فضیلت کا وقت اس وقت ہوتا ہے جب شاخص کا سایہ دو ھفتم تک پہچ جائے اور اس کا آخر سائے کے دو ششم تک پہچنے تک ہے (تقریبا ہمارے شہروں میں ۱ گھنٹے و ۳۰ منٹ اذان کے بعد تک)اور نماز عشاء کا فضیلت کا وقت آسمان کی سرخی زائل ہونے تک(جو نماز مغرب کے بعد مغرب کی سمت میں ہوتی ہےتقریبا ۴۵ منٹ مغرب کے بعد ) اور اس کا وقت فضیلت رات کے ایک سوم وقت ختم ہونے تک ہے۔
۹ سوال: نماز صبح کا شرعی وقت کیا ہے؟
جواب: طلوع فجر صادق سے طلوع آفتاب تک۔
۱۰ سوال: مغرب اور عشاء کی نماز کب قضا ہوتی ہے؟
جواب: مختار انسان کے لیٔے اس کا وقت آدھی رات تک اور مضطر (مجبور) کے لیے طلوع فجر تک ہے۔
ایک نیا سوال بھیجنے کے لیے یہاں کلک کریں
العربية فارسی اردو English Azərbaycan Türkçe Français